علی اصغر (ع) نوحهسی - شاعر: دلریش
ائــی کوفییـان-ی-بـی وفـا، گتـدیـز عجـب مئهمـان منــی
قوْیـدۇز سـۇسـۇز اطفالیمـی، بۇ چؤلـده سرگهردان منـی
اؤلـدۆ تمـام یـاوهرلـهریـم، جــان وئــردی تئشنـه اکبـریـــم
گــۆل تـک سـوْلـۇبـدۇ اصغـریـم، بۇ چؤلده سرگهردان منی
ائـی قوْم-ی-کافـهر نئیلهییـب، آل-ی-پئیـهمبـهر سیزلــهره
اوْلادێنــێ تاپشێرمـایێـب، جـددیـم مۆکـهررهر سیــزلــهره؟
من صاحـب-ی-جوْرمـهم اگهر، نئیلیـب بۇ اصغــر سیـزلــره
بۇ غۆنچهی-ی-خندان ائدیب، چـوْخ دیدهسی گیریان منی
نهــر-ی-فــراتـی کــی آخــار، مهـریــهی-ی-زهــرا دگیــل؟
هــر ائــرثــه اوْلــادی مگـــهر، بیگــانــه دهن اولــی دگیـل؟
مـــن زاده-ی-خیــــرالنســـاء، زهــــرا آنـــام آیـــا دگیــــل؟
محــروم ائــدهرسیـز ائـرثیـدهن، ائـی قــوْم بی ایمان منی
شوقیلـه ائیلــهر تـرک-ی-جــان، چــون طالب-ی-دیدار اوْلان
جـوْر-وْ-جفــادهن اینجیمــهز، موشتــاق-ی-وصل-ی-یار اوْلان
بــۇ طئفلـه رحــم ائیلــهر یقیـن، حقــدهن گـؤزۆ بیــدار اوْلان
بــاری بـۇنـۇ سیــراب ائـدین، سیـز اؤلدۆرۆن عطشان منـی
جام –ی بلادن مست اوْلۇب، ترک ائتمیشهم دونیانی مـن
دونیانی تنــگ ائتمیـن منـی، وئـردیـم سیـزه بطهانی من
اهــل-وْ-عیالیمه قـوْیـۇن، مسکــهن ائدیــم صحـرانـی مـن
ائتـدیـز وطــهندهن دربئــدهر، ائــی لئشـگـهر اعــدا منــی
آیــا روادیـر صـرصـر-ی-ظۆلمیلــه ســوْلسـوْن گۆللـــهریم؟
دۆشسۆن جفای-ی-خاریلهن، دیلدهن هامێ بۆلبۆلـلهریم؟
وئـرسین بـۇ چـؤلده تئشنه جان، هم اکبریـم هم اصغریم؟
تــۆش ائیلـهدیز یـۆز مؤحنهته، هـر لحظه سیز هر آن منی
اینصـافـی دیــر آخسێــن بئلــه، تــۆم یـانــه بــــۇ آب روان
باخسێـن سـۇۇا قـان آغلاسێن، آل-ی-رسول ائی کوفییان
ائیلــهر بــو نوْعیلــه مگــهر، مئهمــانه حۆرمــهت میــزبــان
شرمـهنـدهی-ی-اهل-وْ-عیال، ائتدیـز عجـب عـدوان منـی
وار منـده طاقت ائیلهسـهز، هـر جوْروْ هر ظۆلم-وْ-سیتهم
عبــاسیمیـن ائتدیـز بـۇ گۆن، سـۇ اۆستـه قوْللارێن قلهم
بـۇ غـم کفایـهت ائیلـهمـهز، سێنـدێ بئلیـم یاتـدێ علهم
اوْل نامـداریـن مؤحنـهتــی، ائیلیــب قــدی چـوگـان منـی
جـددیم شبیهــی اوْغلـۇمـۇ، اؤلــدۆردۆز عطشان دوْیمادۇز
دامــاد الینــه ظـۆلمیلــهن، یاخـدیــز حنـا قــان دوْیمــادیـز
ائتـدیـز تمــام اصحـابیمـی، قـانینــه غلطـــان دوْیـمـادیــز
آخـهر بـۇ چـؤلـده ائیلـهسـهز، اؤز قانیمــه غلطــان منـی
بـزم-ی-عــزاده آغـلارام صۆبــح-وْ-مساء چــۆن عنـدلیب
گـؤگلـۆم زیـیارهت ایستیـری، ائت لۆطفیلهن یارب نصیب
سینــهوۇران، نؤوحـهدییـهن، دئلریشیلهن بۇ عنقــهریـب
زوار اوْلاق ائتمــه خجیـــل، یــا ارحـــم-وْ-رحمــان منــی
حضــرهت-ی-علـــی اصغـــــر (ع) نؤوحـهسی- شاعیر: ذاکـر
بــــۇ نـــؤوحـــهنـــی ایکــــی تهــــهر اوْخــــۇرلار:
1-عادی و ائله اوْلان وزنینده قالان (ساییر) نؤوحهلهر کیمی اوْخۇرلار
2-نؤوحهخوان نؤوحهنی مئصرهع-مئصرهع اوْخۇیار و رنجیروۇرانلار زنجیری یاواش-یاواش ترپهدیب،ایکینجی مئصرهعی "لایلای ائی سۆد امهر اوْغلۇم" تیکرار ائدهرلهر
ایکینجی مطلب بۇ کی ذاکرێن نؤوحهلهری آسان و یۆنگۆل وزنیده اوْلمادا تانێنێبلار و اوْنا گؤره بیری نؤوحه دئمهگی تزه باشلاسا، ذاکرێن نؤوحهلهریله باشلار
اۆچۆنجۆ بۇ کی نئجه ده بۇندان قاباق ذاکر دهن ایکی نؤوحه ده گؤردۆک، اوْنۇن نؤوحهلهرینین آراسێندا «افراد» وار.
اوْخــلانــان الیمـیــن اۆستـــــه
لایلای ائی سـۆد امـهر اوْغلــۇم
یات بۇ قانلـێ سینـهم اۆستــه
لایلای ائی سۆد امـهر اوْغلــۇم
یـات علـی عجــهب یـاتێبسـان
[لایلای ائی سۆد امهر اوْغلۇم]
مطلــهبـه بـۇ گـۆن چاتێبســان
یوْخدۇ سۇ سۇسۇز قالێبسـان
شـۇر-ی عالـهمـه سالێبسـان
مــن سنــی علــی گتیـردیــم
دشـت-ی-کـربـلایــه میهمــان
بـاغــلادێـــلا ســۇ یــوْلــۇنــــۇ
ظـۆلمیلــه بـۇ قــوْم-ی-عـدوان
مـن غـریـب-ی-زاری سنــدهن
ائتــدی «حـرمـهله» پشیمــان
ســۇ یئـرینــــه وۇردۇ پئیـکــان
لایلای ائی سۆد امهر اوْغلـۇم
گـرچــه قــددیمـی بـۆکۆبـدۆر
فــۆرقـهت-ی-«علـی-وْ-اکبر»
روز-ی-حشره تک سـاغالمـاز
غملـی سینـهدهن بۇ غمـلـهر
«اصغـریـم» سنیـن بـۇ دردیـن
«اکبر»یمـــدهن اوْلـــدۇ بتـــهر
حسـرهتیلـه وئـرمـهگـون جـان [وئرمهگین]
لایلای ائی سۆد امـهر اوْغلـۇم
اوْل زامــانــدا شـاه-ی-دینیــن
عـرشــه اوْج ائدیـب فـغـانـــی
حلــق-ی-نازیـکینـــده پئیـکـان
اصغـریــن چێـخــانـــدا جانـــی
حســرهتیلــه چکـــدی بیـــر آه
آهــی یانـدێـرێــب جــاهــانــی
اوْلــدۇ محشـــهریـــم نـمــایـان
لایـلای ائی سۆد امـهر اوْغلـۇم
سؤیلــهدی اوْ قــوْم-ی-دونــه:
بـۇ نـه ظـۆلـم-وْ-نـه شـقاوهت؟
آخــهری بــۇ کــربـــلانـــــــــی
ائیلـــهدیـــز منـــی قییــامــهت
ناقـــه کیمـــی نحـــر اوْلۇنـــدۇ
دگــــــدی نـــاوک-ی-عــداوهت
هــر طــرهف آخــار قێــزێل قان
لایلای ائی سۆد امـهر اوْغلـۇم
افراد
دییــهرسیــز عاصــی اگــهر بــۇ ایمـام-ی-مظلۆمـی
کـه پــای قتلــه گتیـردیـم بـۇ طئفــل-ی-معصـومـی
دۇتـۇن کـی واردێ گۆناهێم، سؤزۆمه یوْخـدۇ گـۆواه
گــۆنـاهکـار منــهم، بـۇ اۇشــاقــدا یــوْخــدۇ گـۆنـاه
دریبلــه گـۆللـــهریمـــی بـــۇ قــالێــب بــۇداغـێمـدا
بـــۇدا خـــزان گـۆلـۆ تـک تیتـرهییــر قــۇجــاغـێمــدا
سیـــز اؤلــدۆرۆن بــۇنــۇ تـا قۇرتارێـم بۇ مئحنهتدهن
آنــاسێنێــن یــانێنــا گئتمـــهرهم، خیجــالــهتــدهن
نؤوحهنین آردێ:
آغــــلارام علـــی بـــۇ حــالــــه
سـوْلــدۇ گــۆللـــهریـم چمهنـده
آهـــۇ تـــک بـــۇ کـــــربــــــلاده
سالــــدێــلار سنــی کمــهنـده
حســرهتیلـــه وئــرمـهییـن جان
قــوْیمـــایێبــــدێ تــاب منــــده
ایستی گۆن اؤزۆن لب عطشان
لایلای ائی سـۆد امــهر اوْغلـۇم
لئشگــهریـم قێـرێلـدێ اوْغلـۇم
یـوْخــدۇ بیــرجــه یــار-وْ-یــاوهر
خئیمییــــه سنــــی آپارسێـن
ســـاغ دگیـــل علــی-وْ-اکبــر
آهــــۇ تـــک یــارالــێ اوْغلـۇم
گـــؤزلیــری یـــوْلــــۇوۇ مــادهر
خئیمــــهلــهرده ائیلیــر افغـان
لایلای ائی سۆد امـهر اوْغلـۇم
یـات علـی عجــهب یاتێبسـان
مطلـهبـه بــۇ گـۆن چاتێبسـان
یوْخدۇ سۇ سۇسـۇز قالێبسان
شــۇر-ی عالـهمـه سالێبسان
گتــدی خئیمـــهگــاه نعشیــن
چکـــدی آه بیـــر جیـگـــهردهن
سسلــهدی چێخێــن قبـاغـــه
گلـــدی اصغــریـم سفـــهردهن
اصغــریـم سـۇسـۇزدۇ سیـراب
ائیلـهییـن سیـریشک-ی-تردهن
قوْی آناسێ سسلهسین جان
لایلای ائی سۆد امــهر اوْغلـۇم
وار نقـــهدری عــؤمــرۆن ائیلــه
گــــؤزلـــهرۆن پـــوْرآب ذاکـیــــر
آغــلاســا بــۇ طئفلـه هـر کیـم
واردۇ چـــــوْخ ثـــــواب ذاکیــــــر
حــالـــی اصغــریــن حـۆسئینی
ائیلـــهدی کـــابـــاب ذاکیــــــــر
سؤیلـهدی اوْ شـاه-ی-عطشـان
لایـلای ائـی سـۆد امـهر اوْغلـۇم
علی اصغر (ع) نؤوحهسی – شاعر: مضطر
1) بیرینجیسی
ائــی غۆنچـه گۆللـهر پـارهسـی، لایـلای علـی لایـلای
وای بــوْش قـالان گهــوارهسـی، لایـلای علـی لایـلای
دونیـــا ســۇیــونــون داشێنـێ آتـدێــن، آنـان اؤلسـۆن
اکبـــر قانینـــا قــانێــــوی، قاتـــدێن آنــــان اؤلســــۆن
اۆچ گـۆنــدۆ یاتمێـردێــن نییـه؟، یاتــدێن آنـان اؤلسـۆن
اینجیــر بـوْغــازۇن یـارهســی، لایــلای علــی لایــلای
تاپـدێ سنـی پئیـک-ی-اجـهل، دینجـهل بالا دینهجـهل
حلقــون یارادێـــر وۇرمــام ال، دینجــهل بــالا دینجـــهل
سۇ ایچمــهدیــن سـن لااقــهل، دینجـهل بـالا دینجـهل
یوْخــدۇر سنــه سـۇ چـارهسـی، لایـلای علی لایــلای
قالدێـن اوْغـۇل حسرهت سـۇیا، ســـۆد ایشتییاغینــده
سـوْلـدۇن سارالـدۇن گـۆل کیمـی، بۇ غۆنچه چاغینـده
گئت ایستیراحــهت قێـــل آنــان زهـــرا قــۇجــاغینـــده
اوْلمــا فـــرات آوارهســـی، لایـــلای علـــــی لایـــــلای
شامـــه گئــدهر بیکـــهس آنــان، اصغـــر خـۇداحافیـظ
آدێــن دیلیمــه ائتمیشــهم، ازبــــهر خـــۇداحــافیـــظ
ســؤیلـــه دیلیمجـــهن اکبـــره، اکبـــر خــۇداحافیـــظ
اوْلـــدۇم وطـــهن آوارهســی، لایــلای علــی لایــلای
آخـــهر اسیـــرهم نئیلـــهییـــم، شئمـر-ی-جفــاکــاره
بــزم-ی-یــزیـــده یــا چکـــهر یـــا کــوچـــــه بـــــازاره
مـنلــهن اوْلــۇر یــوْل یــوْلـداشـــێ، لئیــلای بیـچــاره
باشێنـــدا اکبـــر قــارهســـی، لایــلای علــی لایـلای
مضطــر یـانـار بــۇ سـؤزلـــره هــر قلــب اوْلا داشــدان
آغــلار یقیــن نائـل اولــۇر، چــوْخ فئیضه گــؤز یـاشدان
چــوْخ آغــلاناق ایستــهر اۆرهک باشـلا سؤزۆ باشـدان
ائـی غـۆنچه گۆللــهر پارهســی، لایــلای علـی لایلای
ـــــــــــــــــــــــــــــــــــــــسوْنـــــــــــــــــــــــــــــــــــــــ
2) ایکینجیسی
گؤزلــهرین قۇربانــی اصغــر، یــات آنـان قـۇربـان سنـه
ساکیــت اوْل گهــواره ده، لایــلای دئییــم الان سنــه
آغـلایێـب چـالمــا الیــن، قوْنــداغــه اینجیتـمــه اؤزۆن
گزدیـریـرســهن هـر یانا، نــه عیللهتـه بیلمـهم گـؤزۆن
سن منـه هـر دم اشـاره، ائیلـهییرسـهن سـۇ سؤزۆن
نئیلـهییـم آخـهر بـالا، مـن سـۇ تـاپێــم هــاردان سنـه
بیـر ایچیـم سۇ سندهن اؤتری، آلدیم هر یانـدان خبـهر
تاپمـادیم بیـر جرعه آخهر، نئیلهییـم مـن خـون جیـگهر
یان یانا یاتمێـش اۇشـاقلار، هــر سـۇدان اؤتـری مگهر
دیـل دوْداغێنـدان اؤپـهر، اوْلمـۇش باجێـن گیریان سنه
کوفــه اهلــی ظـۆلـم الیلـهن، پوْزدێــلار رسمییـهتــی
چـوْخ آغێـردێـر کـربـلاده، بیـر ایچیــم ســۇ قییمــهتـی
بیـر نفـهر یـوْخ تـا گلیـب، آللاهــا قوْیسـۇن میننــهتـی
بیـر ایچیـم سـۇ محض آللاه، ائیلییه ائحسـان سنــه
ناگیـرانـــهم مــن سنیـــن پـژمـــورده حـالینـــدان بــالا
گۆل کیمی سوْلمۇش سارالمێش گۆل جمالیندان بالا
گـل چێخــارت سـۇ فیکـرینــی آخــهر خیـالێنـدان بــالا
باغـلایێـب سـۇ یوْلـلارێـن، بۇ فرقهی-ی-عـدوان سنـه
مـن بـالا اۆچ گـۆنـدۆ گـؤررهم، حالێـوی بـر هـم سنیـن
نـه دوْداغۇنــدا دیلۇنـــدا، گؤرمیــرهم بیــر نــم سنیــن
اؤلمــهک آثـاری یـۆزۆنده، گـؤرسـهنیـر هــر دم سنیـن
طایـر-ی-روحــون قفـهســده، ائیلــهییـب افغـان سنـه
جـان وئـرهن قۇشلار کیمی، قوْنداغه چالما شهپهرین
قـوْرخـۇرام گهـوارییـه دَیسیـن قیـریلسیـن پــرلــهریــن
هئی باخێرسان بـۇ قـۇرۇ پئستـانه دوْیمـاز گـؤزلــهرین
عالـهم-ی-معنــاده آغـلار، بـــۇ قـــۇرۇ پئستــان سنــه
گۆل کیمی سوْلمۇش سنین رخسار-ی-خوش رنگین بالا
قـوْرخــۇرام ســوْلســۇن تـؤکـۆلسۆن، توْپراغا بـۇ گـۆن بالا
آغــلایـانـدا مـن سنیـن، اوْلـــلام همــــاهــهنگیـــن بــــالا
سهــل دیــر مـن، آغــلایێــر بــۇ کلبــهی ائـحسـان سنــه
ابــر-ی-غـم گــؤررهم اوْتۇرمۆش صورهت-ی-مه پاره ده
نه قالێبـدێـر سنــده طاقــهت، نـه مــن-ی-بیچــاره ده
بیــر سارالمێــش گــۆل کیمی سوْلدۇن بالا گهواره ده
باش آچێب دوْیرۇنـدا آغـلار، دستهی-ی-نئسوان سنه
نئـی کیمـی قـالخـار سنیـن، هـر بنـد بنـدینــدهن نــوا
یــوْخ الیمــده چـــاره آخـــهر، نئیلـــهییــــم مــن بینــوا
باعثون یانسێن سۇسۇزدان، سن سۇسۇز یاندێن بالا
ائتمــهدی آخــهر ترهححـوم، قـوْم-ی-بی ایمـان سنـه
هـر قـدهر ائتـدیـم تـلاش، حل اوْلمـادی بۇ موشکیلین
تاپمادێــم بیـرجـرعـه سـۇ، اوْدلانـدێ آغـزێنــدا دیلیــن
قبـــر ائــوینــه مـــن آپـارام، قلبیـــده بـــۇ نیسـگلیـــن
تـوْپـراغیـم قان آغلایـار، روحـوم دییــهر قـۇربــان سنـه
تۆرکــی اشعـاری قـوْیـۇب مـرحــوم-ی-مضطـر بـرقـرار
شیعـهلر ایچـره ائدیـب میئنبـاب-ی-ائحسـان یادیـگـار
چــوْخ شیـرین اشعـاری وار، اشعـاری آلمێـش اختییار
ساغلیغینـدا بـۇ ســؤزۆ مضطــر ائدیـب ائعــلان سنــه