اۆچ پر اوْخ

یک شعر زیبایی را دوستی مهربان در کامئنت وب قرار دادند که اینجا جهت استفاده دوستان و تشکر از این دوست مهربان، در وب قرار می دهم. با اجازه این دوست گرامی بنده کمی در نگارش این شعر زیبا تصرف نموده و آنرا به نگارش اوْخشاما نزدیک گردانیده‌ام. و البته تا آنجا که به متن و وزن شعر آسیب نرساند.

«شعر زیر با عنوان " اۆچ پر اوْخ" از پدر بنده کربلایی کریم نصیری میباشد. کتاب ایشان در زمینه مداحی و مرثیه بزودی منتشر خواهد شد.

 

خلق اوْلان گۆندن بیله فانی جهاندا اۆچ پر اوْخ

آغلادێب چُوخ گؤزلری قان هر زماندا اۆچ پر اوْخ


 

بد قدم صیاد ایاق قوْیسا گلستانه اگر

بلبلون قلبون ایده‌ر قان آشیاندا اۆچ پر اوْخ

 

چوْخ اۆره‌کلر یاندێرێب چوْخ ائولری ویران ایدیب

یاری یاریندان آیێرمێش چوْخ مکاندا اۆچ پر اوْخ

 

یا وۇرار قلبه اوْغۇل داغێ و یا قارداش داغێ

یا اۇشاقلارێ یتیم ائیله‌ر جهاندا اۆچ پر اوْخ

 

کوه-وْ-صحرانی گزه‌ر آهو، ولی هئی رم یییه‌ر(؟)

چون گؤرۆب اوْوچێ کمین ائتمیش وۇراندا اۆچ پر اوْخ

 

هر اوْخۇن مقصودی قاندێر، آیرێ بیر منظوری یوْخ

ظاهراً خشنود اوْلار قانه باتاندا اۆچ پر اوْخ

 

هر کماندار ایسته‌سه یێخسێن حریفین رزمیده

سعی ائده‌ر فی الفوری یئر وئرسین کماندا اۆچ پر اوْخ

 

قۇرتاران وقته کماندان چوْخ شتابیله‌ن گئده‌ر

رام اوْلار، آرامینی صیدین آلاندا اۆچ پر اوْخ

 

دگدیغی یئرده‌ن اوْ قدری قان تؤکۆلمه‌ز توْپراقا

قانێ اما دؤنده‌ره‌ر سئیله چێخاندا اۆچ پر اوْخ

 

مال و دنیا عشقینه چکمه‌ز کمان مردان-ی-حق

حقی ناحق ائیله‌مز، الده دۇتاندا اۆچ پر اوْخ

 

اوْخ وۇران مرد اوْلسا اوْخ وۇرماز کمانین سێندێرار

گؤرمئییب آیا مگر بئل سێندێراندا اۆچ پر اوْخ

 

اوْلسا ویجدانی بۇ ایشده‌ن ال چکه‌ر تواب اوْلار

نادم اوْلسا ناظر اوْلماز، ائو یێخاندا اۆچ پر اوْخ

 

دل گؤزیله باخسا هر بیر اوْخ وۇران اؤز صیدینه

درک ائده‌ر قان آغلۇرێ قانه باتاندا اۆچ پر اوْخ

 

قاچماسا آهو کمندیله دۇتار صیادیلر

رم یئسه قاچسا وۇرار اما قاچاندا اۆچ پر اوْخ

 

سۆد امه‌ر آهو گؤره‌نده سۇ کنارینده سۇسوز

رحم ائده‌ر وۇرماز اوْنا دریا یانێندا اۆچ پر اوْخ

 

ای قلم گل یوْل سالاق بیر کربلا صحراسینه

گؤرنه‌لر ائتمیش اوْ پوْزقۇن گۆلسیتاندا اۆچ پر اوْخ

 

تشنه شاهین اللری اۆسته سۇسوز قوربانه باخ

نئیله‌دی گل گؤر بوغازێن اۆچ یاراندا اۆچ پر اوْخ

 

فاطمه سسله‌ندی معناده حسین یۇم گؤزلرون

اصغره میدانیده لایلای چالاندا اۆچ پر اوْخ

 

دیسگینیب اووه‌ل گؤز آچدێ بیر گۆلومسومدی {گۆلۆمسه‌دی} اوْخا

بیر دولومسوندی{؟} اَسیب لنگر سالاندا اۆچ پر اوْخ

 

اللری باغلێدی قوْنداق ایچره شهپر وۇرمادێ

آغلادێب سلطان-ی-مظلومانی اوْندا اۆچ پر اوْخ

 

باغرێنا باسدێ «رباب»ین اوْخلی قوربانین حسین

دل دئدی آرام اوْلا بلکه چێخاندا اۆچ پر اوْخ

 

سسله‌دی باب الحوائج اوْغلۇم آرام اوْل بیرآز

گۆل گۆلۆم قوْی شرم ائده بلکه باخاندا اۆچ پر اوْخ

 

این شعر چندین بیت ادامه داشته و گریز زیبایی هم دارد»

نویسنده: صابر [http://www.nasiri-dowlatabad.blogfa.com]