حضرت علی اکبر جوشیسی آناسێ دیلیجه
قوْشار: سیّد تقی سیفی اردبیلی
اختر-ی-تابانیم اکبر عزّت-ی-دورانیم اکبر عزم میدان ائتمه اوْغلۇم گئتمه اوْغلۇم، گئتمه اوْغلۇم لیلینی هجران ائدهر درده مبتلا آهو باخێش گؤزلریوه گؤزلریم فدا بیامانم باغریقانم گئتمهگۆندهن ناگیرانم
سیفی شاعر زیباییهای عاشورا و کربلاست و شعرهای او پر از لطافت می باشد بعضی از شعرهای وی چنان جالب و جذاب است که شنونده را میخ کوب می کند گاهی در وزن ساده (مثل اوْخشاماهای علی اصغر- عؤمرۆم حیاتیم علی و...) و گاهی در وزنهای سنگین که اجرای آن تنها توسط مداحان مسلط امکان پذیر می باشد.(مثل: زینبیم گل آل الیمدهن تئشنه لب قۇربانی گتدیم – اللریم اۆستۆنده امدی اصغریم پئیکانی گتدیم)
در این میان جوشی حضرت علی اکبر(ع) وی دارای ویژگی ممتازی است هم سنگین است و هم دارای وزن متفاوت
قسمتی از این نوحه را با اجرای حاج سلیم موذن زاده اردبیلی در کاست «اکبره باخ-اکبره باخ» که از این وبلاگ میشود دانلود کرد را می شود گوش داد و همچنین کاست «علی اصغر و آهو» را اگر دانلود کنید آنجا با نوحه های سید تقی سیفی اردبیلی در مورد حضرت علی اصغر (ع) می توانید آشنا شوید. واقعا" زیباست.
اختر-ی-تابانیم اکبر
عزّت-ی-دورانیم اکبر
عزم میدان ائتمه اوْغلۇم
گئتمه اوْغلۇم، گئتمه اوْغلۇم
لیلینی هجران ائدهر درده مبتلا
آهو باخێش گؤزلریوه گؤزلریم فدا
بیامانم باغریقانم
گئتمهگۆندهن ناگیرانم
مخالف
دوْیمادێم من خوْش سؤزۆندهن
آتما منی تئز گؤزۆندهن
هر نه دهن سن منه باصفاسن
قلبیمین دردینه آشناسن
ـــــــــــــــــــــــــــ
حُسنووه مفتونم اوْغلۇم
عئشقیوه مجنونم اوْغلۇم
وار یۆزۆنده قاره خالون
آیدان آیدێندۇر جمالون
لاله کیمی گۆل یۆزۆوۆن داغدارییهم
بیر اؤپۆشه لبلرووون بیقرارییهم
مخالف
قاشلارون مُحکم کماندێر
کیپریگۆن اوْخدان یاماندێر
اوْخلاما قلبیمی قاش گؤز آتما
دمبدم آیرێلێقدان سؤز آتما
ـــــــــــــــــــــ
دردیوه دؤزدۆم دایاندێم
آتش-ی-عئشقونده یاندێم
چوْخ تلهسمه کار-وْ-زاره
گئتسوْن اوْللام بختی قاره
عؤمرۆمۆ مُحنت وئرهر باده سنسیز
خوْش گۆنۆم اوْلماز بۇ دونیاده سنسیز
مخالف
مَرکب-ی-عئشقون دایاندێر
عزم-ی-هئجرانون یۇباندێر
قوْیما قلبیم فراقونده یانسێن
گل اوْتۇر لیلی باشه دوْلانسێن
ـــــــــــــــــــ
بیکس-وْ-بیدادخواهم
چارهسیزهم بیپناهم
حالیمه بیگانه یانماز
لیلی سنسیز زنده قالماز
گئتسوْن علی آتش-ی-هئجروندا یاننام
باش گؤتۆرۆب چؤللره وئیلان دوْلاننام
مخالف
سرو-ی-زیبا قامت اوْغلۇم
وار دیلیمده حسرت اوْغلۇم
گئتمه ای دردیمین آشناسی
گئیمئییبسهن هله توْی لیباسی
ــــــــــــــــــــــــ
مشعل-ی-حُسنون آلێشدێر
لیلینی دیندیر دانێشدێر
گؤر نه شیرین صؤحبتیم وار
دیلده داغ-ی-حسرتیم وار
برهم ائدیب عؤمرۆمۆن ظۆلم اساسین
اللریوه یاخمادێم توْی حناسین
مخالف
کاخ-ی-آمالیم تالاندێ
سئیر اقبالیم دولاندێ
خون-ی-دیللر یئدیم گۆل بئجهردیم
جان قوْیۇب عئشقیوه غۆصصه دردیم
ـــــــــــــــــــــــــــ
گؤر نه یانێب گؤینهرهم من
سنسیز علی نئیلهرهم من
آتماز اوْغۇللار آناسێن
گؤزلرون آللام قاداسێن
گل آنوْوۇن غۆصصهلی گؤگلۆن آل گئت
باشینه لیلانین علی قاره سال گئت
مخالف
دؤزمه قلبیم چوْخ دؤیۆنسۆن
ناز ائله لیلا سئوینسین
روحیمی هجرون ائیلهر مکدّر
عمّهوه لیلینی تاپشێر اکبر
بیامانم باغریقانم
گئتمهگۆندهن ناگیرانم