ایکی نوحه نادری دن

اماما سلام وئرمه نوحه‌سی

ای حسین ای کربلا شاهی سلام اولسون سنه

اودلانان ظولمیله درگاهی، سلام اولسون سنه

 

ای شهید نیزه و خنجر، قتیل کربلا

ای چکه‌ن امت‌دن اؤترو، عصریده بی حد بلا

عالمین جانی سوسوز اطفالیوه، قربان اولا

ای حجاز و مکه‌نین شاهی، سلام اولسون سنه

×××××××××××××

گلدی گئجه اوغلون گوره کان حیا لیلا

گوردو یئرینده یوخ علی ائتدی نوا لیلا


ای حسین ای کربلا شاهی سلام اولسون سنه

اودلانان ظولمیله درگاهی، سلام اولسون سنه

 

ای شهید نیزه و خنجر، قتیل کربلا

ای چکه‌ن امت‌دن اؤترو، عصریده بی حد بلا

عالمین جانی سوسوز اطفالیوه، قربان اولا

ای حجاز و مکه‌نین شاهی، سلام اولسون سنه

 

ای وئره‌ن آللاه یولوندا قاسم و اکبر فدا

ای اولان عباسینین بیر جوت قولو تن‌دن جدا

اضغرون قوربانی اوللوق، یا ذبیحا" من قفا

شیعه‌لر پشت و پناهگاهی، سلام اولسون سنه

 

تیتره‌دیب آللاهین عرشین، صوت هل من ناصرون

تل‌دن زینب دئدی: قوربان سنه بو خواهرون

قویدولار یالقوز سنی اولمازدی کیمسه یاورون

ائتمه‌دی بیر کیمسه همراهی، سلام اولسون سنه

 

عصر عاشورا گونی، ای خئیمه‌سی تالان اولان

نازپرور قیزلاری غارت گونی، وئیلان اولان

اؤز باشی نوک-ی-جیداده، زینبی نالان اولان

ای گئدهخ‌ن تالانا خرگاهی؛ سلام اولسون سنه

هانسی شاهه سایبان اولدو سنین تک جبرئیل

ای حسین ای نعشی عریان قانی توپراقه سبیل

سن کیمی کوه مناده هاردا جان وئردی خلیل

ای اولان بو عزت و جاهی، سلام اولسون سنه

 

کیم وئریبدیر سود اوشاقین، اوخلارا سن تک نیشان

کیم سنین تک تشنه جان وئردی اولوبدور غوسلی قان

کیم حقیقت عرصه‌سینده وئردی سن تک امتحان

نور چشم قدرت اللهی، سلام اولسون سنه

 

ای اولان قرآن ناطق، سرور هر بیر شهید

حق دئییب حق ایسته‌دین حقدن دفاع ائتدین شدید

بیز کی مغروق گوناهیک، سن بیزه بابا امید

مظهر فوق یداللهی، سلام اولسون سنه

 

نادری ثبت ائت حسین فرمایشاتین دفتره

کیمده وار جرات حسین تک امر قیلسین لئشگره

"اگمه‌رم من باش یزیده باشی وئرره‌م خنجره"

پرچم نصراللهی، سلام اولسون سنه

×××××