نوحه و رجز حضرت امیر (ع)

میرزا محمد صادق کاتب اردبیلی

گلدوک عزا ساخلییاق، حیدر-ی-کراره بیز

وئرمه‌گه باش ساغلیقی، قولسوز علمداره بیز

عالمی ای گؤزده‌ن آتان           قانه نماز اۆسته باتان

علی جان علی جان

حضرت علی (ع) شهادتی

قوْشار: قمری دریندی

نه بزم دور اثر ماتـم و عـزا گؤرۆنـۆر

جهاندا غلغله شور آه و وا گؤرۆنـۆر

گینه قۇلاق دۇتۇلۇر یا علی صداسیندن

فـضـای عـالـم آرا نـالـه و بـکـا گـؤرۆنـۆر

باخاندا نیر مژگان چشم احبابـه

نظامیله‌ن دۆزۆلۆب درّ پربها گؤرۆنۆر

رمضان نوحه‌لری

قوْشار: نریمان حسین زاده

 جوشی‌

ظۆلم اوْلدۇ شاه-ی-محشره، قان آغلا شیعه

ماته‌م یئتیشدی گؤگله‌ره، قان آغلا شیعه

سس دۆشدۆ حئیدر، قانه بوْیاندێ

مئحراب-وْ-منبه‌ر، قانه بوْیاندێ

رمضان نوحه‌لری (حضرت علی^عمین شهادت نوحه‌لری)

قوْشار: نادری

گل ائی بلالی مجتبی

باشۇن ساغ اوْلسـۇن

بوْیاندێ قانـه مرتضی

باشۇن ساغ اوْلسۇنٰ

باجون اؤلئیدی

عـزا دۇتـۇبـلا عـرشیـده، شـه-ی-حـوْنئینه

فله‌ک جفا داشێن آتێب، حسن حۆسئینـه

وفالی شیعه‌لر دۆشۆب، بۇ شور-وْ-شئینه

بلالی زینبم اخا، باشۇن ساغ اوْلسۇن

باجون اؤلئیدی

قدرت چوپانی چاراوْیماغێن گۆنئی باتێسێندا اوْلان خاتێن گۆنئیی کندینده آنادان اوْلۇب، منجه ایندیسه تئهرانین ایسلامشهرینده یاشایێر، اوْنۇن گؤزه‌ل شئعرلری اوْلاراق نوحه قوشماقدادا اینجه ایشلری وار. ایندیسه اوْندان حضرت علی^عمین شهاده‌تینه گؤره بیر جوشی اوْخۇیاق.

حضرت علی ^{علیه‌السّلام}ین یارالانماسێ جوشی‌سی

قدرت چوپانی (راعی)

سس کوفه‌ده‌ن اۇجالدێ، حیدر بوْیاندێ قانـه

مئحـرابیـده اوْ شیـر-ی-داور، بــوْیـانـدێ قـانـه

مسجید بوْیاندێ قانه، منبر بوْیاندێ قانه

سجده ائده‌ن جبین-ی-انور بوْیاندێ قانه

حضرت علی^ع مین شهاده‌تینه گؤره ایکی نوحه

قوْشار: تبریزلی صراف

چون تُراب-ی-تیره اوْلدێ¹، خوابگاه-ی-بوتُراب

عرشیدن گلدی نیدا، یا لیتنیٰ کُنتُ تراب

چوْخ بلالر چکدی بۇ عاله‌مده شاه-ی-لافتا

هر غمه صبر ائیله‌دی اوْل معده‌ن-ی-جود-وْ-عطا

وئردی باش مئحراب-ی-عباده‌تده بوْیاندێ قانه تا

اهل-ی-عئشقه بیربه‌بیر اوْلسۇن اوْباشدان فتح-ی-باب

حضرت علی^ع شهادتی نوحه‌سی

قوْشار: راد

قـۇرۇلـدۇ کوفـه ده عـزا            چکیلـدی گؤگلـه‌ره قـرا

خبر دۆشۆبدۆ شهریـده           شهید اوْلۇبدۇ مرتضی

علی دییـه-دییـه گلیـب           یتیـم-وْ-جـوملـه بینـه‌وا

امیر-ی-مؤمـنـان علـی           کریم-وْ-مئهریبان علـی

علی علی علی علی